Qaraqalpaqstan medicina institutı klinikasında bolıp ótken ashılıw máresiminde taraw juwapkerleri shıǵıp sóylep, bul akciya medicinanı xalıqqa jáne de jaqınlastırıw, aymaqta keselliklerdiń aldın alıw hám salamat turmıs tárizin úgit-násiyatlawǵa xızmet etetuǵının atap ótti.

Skrining tekseriwleri hám profilaktikalıq tekseriwler ótkeriletuǵın medicina mákemelerine mobil mammograflar, flyuorograflar, angiograf, UZI-apparatları hám oftalmologiyalıq toplamlar alıp kelinip ornatılǵan.

Klinik hám bioximiyalıq laboratoriyalıq tekseriwler ushın barlıq zárúr úskeneler bar. Sarıplaw materialları rezervi jaratılǵan.

️Dáslep jergilikli medicina xızmetkerleri tárepinen xalıq profilaktikalıq tekseriw hám skrining tekseriwlerinen ótkerilmekte. Sozılmalı keselligi bar nawqaslar respublikanıń jetekshi qánigeleriniń tekseriwi hám joqarı texnologiyalıq tekseriwler ushın saylap alınbaqta.

Gezektegi basqıshta Qaraqalpaqstan medicina institutı klinikasında mobil hám stacionar úskeneler járdeminde instrumentallıq tekseriwler, selektiv skrining hámde sozılmalı keselligi bar xalıq ushın paytaxttan kelgen jetekshi qánigelerdiń qatnasıwında kórsetpe tiykarında qosımsha tekseriwler ámelge asırılmaqta.

️