Densawlıqtı saqlaw hám strategiyalıq rawajlanıw institutı Qaraqalpaqstan Respublikası aymaqlıq bólimi baslaması menen Jol háreketi qáwipsizligi xızmetiniń tiyisli qánigeleri menen birgelikte mektep oqıwshıları arasında úgit-násiyatlaw ilajları ótkerilmekte.

Usınday ilaj paytaxtımızdaǵı 32-sanlı mektepte shólkemlestirildi. Ilajda tiyisli taraw qánigeleri tárepinen oqıwshılarǵa jol háreketi qaǵıydaları, durıs awqatlanıw, dene shınıǵıwları menen turaqlı shuǵıllanıwları boyınsha keń túrde túsinik berildi.

Sonday-aq, oqıwshılarǵa «Jol háreketi qáwipsizligi xızmeti»niń «Perzentlerimizdiń qáwipsizligine itibarlı bolayıq!» atamasındaǵı sociallıq roligi qoyıp berildi hám piyadalar jolınan ótiw qaǵıydaları boyınsha ámelde kórsetip ótildi.