Prezidentimizdiń basshılıǵında 2025-jıl 7-may kúni ótkerilgen jıynalısta belgilengen tapsırmalar hám «Respublikada densawlıqtı saqlaw sistemasın hám xalıqqa medicinalıq xızmet kórsetiw principlerin jetilistiriw arqalı tarawdı reformalawdı izbe-iz dawam ettiriw ilajları haqqında»ǵı pármanınıń orınlawın támiyinlew maqsetinde Ózbekstan Respublikası Densawlıqtı saqlaw ministrliginiń arnawlı buyrıǵına tiykar bir qatar wazıypalar belgilendi.
Pármanǵa bola, xalıqqa medicinalıq xızmet kórsetiwdiń zamanagóy, nátiyjeli hám xalıqshıl sistemasın engiziw maqsetinde densawlıqtı saqlaw tarawın túp-tiykarınan jetilistiriw názerde tutılǵan. Pármanda belgilengen tiykarǵı maqsetlerden biri – xalıqaralıq tájiriybelerge tiykarlanǵan halda baslanǵısh medicinalıq-sanitariya járdemin kórsetiwdiń jańa modelin engiziw bolıp esaplanadı.
Tájiriybe – sınaq joybarı sheńberinde rayonlıq hám qalalıq medicina birlespeleri tiykarında jańa rayon (qala)lıq densawlıqtı saqlaw bólimleri shólkemlestiriledi. Bul strukturalar jergilikli dárejede medicinalıq xızmet kórsetiwdiń sapasın arttırıw, sistemalı basqarıwdı jolǵa qoyıw hám xalıqtıń talabına sáykes túrde xızmet kórsetiw imkaniyatın jaratadı.
Ózbekstan Respublikası Densawlıqtı saqlaw ministrliginiń arnawlı «Jumısshı toparı» tájiriybe – sınaq joybarı sheńberinde belgilengen wazıypalardıń orınlanıwın támiyinlew maqsetinde:
aymaqlarda joybardı ámelge asırıw barısında xızmetkerler hám basqa shólkemlestiriw máseleler menen baylanıslı mashqalalardı sheshiwde,
tájiriybe – sınaq aymaqlarında ámelge asırılatuǵın jumıslardıń mazmun-mánisi haqqında medicina xızmetkerleri hám xalıq arasında túsindiriw jumısların alıp barıwda,
jańa sistemanı engiziwde medicina mákeme basshılarına hám xızmetkerlerine zárúr ámeliy járdemlerin kórsetpekte.
Qaraqalpaqstan Respublikasında tájiriybe – sınaq joybarı sheńberinde Shımbay rayonlıq medicina birlespesi belgilengen.
Ózbekstan Respublikası Densawlıqtı saqlaw ministrliginiń arnawlı «Jumısshı toparı» hám Qaraqalpaqstan Respublikası Densawlıqtı saqlaw ministrliginiń tiyisli qánigeleri Shımbay rayonında óz iskerligin ámelge asırmaqta.
