En dáslep Aziya rawajlanıw bankiniń xalıqaralıq ekspertleri Qaraqalpaqstan Respublikası Densawlıqtı saqlaw ministrliginde ministr M.Qurbаnov penen ushırastı.
Tiykarınan ushırasıwda Aziya rawajlanıw banki ekspertleri menen bunnan bılay da birge islesiwdi bekkemlew nátiyjesinde xalıqqa qolaylıqlar jaratıw maqsetinde, ayırım keselliklerdi erte basqıshta anıqlawda zárúr medicinalıq ásbap-úskeneler boyınsha óz-ara pikir almastı.
Bunnan soń, ekspertler respublikamızdaǵı bir qatar medicina mákemelerinde bolıp, olardıń jumısı menen jaqınnan tanıstı.
Usı medicina mákemelerinde Aziya rawajlanıw banki tárepinen berilgen jeńilletilgen kreditler tiykarında satıp alınǵan zamanagóy medicinalıq úskeneler – UZI (ultrases diagnostikası) apparatları, EKG (elektrokardiografiyalıq tekseriw) úskeneleri, stomatologiyalıq úskeneler hám basqa da medicinalıq ásbap-úskenelerdiń jaǵdayı, xalıqqa kórsetilip atırǵan medicinalıq xızmetlerde olardan paydalanıw dárejesi menen tanıstı.
Úyreniw dawamında xalıqaralıq qánigeler bul úskenelerdiń xalıq ushın qolaylılıq jaratıp atırǵanı, keselliklerdi erte anıqlawda hám sapalı medicinalıq xızmet kórsetiwde úlken áhmietke iye ekenin ayrıqsha atap ótti.
