Densawlıqtı saqlaw tarawında birlemshi medicinalıq xızmet ayrıqsha orın iyeleydi. Máhálledegi shańaraqlıq poliklinikalar, olardaǵı patronaj xızmetleri hám profilaktikalıq tekseriwler – bulardıń barlıǵı keselliklerdi erte anıqlaw, aldın alıw hám emlewde sheshiwshi áhmiyetke iye.

Respublika kóleminde aymaqlarda puqaralarǵa medicinalıq tekseriwler ótkerilip atırǵanlıǵı haqqında xabar bergen edik.

Náwbettegi ilaj Nókis qalası 4-sanlı shańaraqlıq poliklinikası tárepinen «Qızıl qum» mákan puqaralar jıyınında shólkemlestirildi

Medicinalıq tekseriw barında puqaralarda anıqlanģan keselliklerine qarap, olarģa ambulator hám stacionar emleniwleri ushın másláhátler, jollamalar berildi.

Sonday-aq, puqaralarǵa tuwrı awqatlanıw, fizikalıq belsendilik, juqpalı bolmaǵan kesellikler profilaktikası hám medicinalıq qamsızlandırıw boyınsha medicina birlespesi shıpakerleri tárepinen maǵlıwmatlar berildi.