Densawlıqtı saqlaw tarawında birlemshi medicinalıq xızmet ayrıqsha orın iyeleydi. Máhálledegi shańaraqlıq poliklinikalar, olardaǵı patronaj xızmetleri hám profilaktikalıq tekseriwler – bulardıń barlıǵı keselliklerdi erte anıqlaw, aldın alıw hám emlewde sheshiwshi áhmiyetke iye.

Xojeli rayonı hákiminiń orınbasarı – Shańaraq hám hayal-qızlar bólimi baslıǵı F.Madaminova, Xojeli rayonı Ishki isler bólimi baslıǵınıń orınbasarı, jámiyetlik qáwipsizlik xızmeti baslıǵı, podpolkovnik N.Kdırbaev, Xojeli rayonlıq medicina birlespesi baslıǵınıń orınbasarı R.Najimovalardıń baslaması menen Xojeli rayonı “Ámiwdárya” awıl puqaralar jıyınında puqaralarǵa medicinalıq tekseriwler shólkemlestirildi.

Medicinalıq tekseriw barında  puqaralarda anıqlanģan keselliklerine qarap, olarģa ambulator hám stacionar emleniwleri ushın másláhátler, jollamalar berildi.

Sonday-aq, puqaralarǵa tuwrı awqatlanıw, fizikalıq belsendilik, juqpalı bolmaǵan kesellikler profilaktikası hám medicinalıq qamsızlandırıw boyınsha medicina birlespesi shıpakerleri tárepinen maǵlıwmatlar berildi..