Respublikalıq tez medicinalıq járdem orayı Qaraqalpaqstan filialı miynet jámáátinde “Medicina xızmetkerleri kúni” hám “11-noyabr Ózbekstan kásiplik awqamları kúni” bayramları múnásibeti menen bayram keshesi bolıp ótti.
Bayram ilajında Qaraqalpaqstan Respublikası densawlıqtı saqlaw ministri M.Qurbanov, Ózbekstan densawlıqtı saqlaw xızmetkerleri kásiplik awqamı Qaraqalpaqstan Respublikası keńesiniń baslıǵı L.Baybosinova, Respublikalıq qıstawlı medicinalıq járdem orayı Qaraqalpaqstan filialı direktorı I.Nurımbetov, medicina xızmetkerleri hám taraw veteranları qatnastı.
Saltanatlı keshede “Medicina xızmetkerleri kúni” bayramı múnásibeti menen xalqımızdıń salamatlıǵın saqlaw hám bekkemlew jolında, keleshek áwladtı salamat etip ósiwinde, medicinalıq xızmetti shólkemlestiriwdegi pidayı hám múnásip xızmetleri ushın bir qatar medicina xızmetkerleri hám taraw veteranları shólkemlestiriwshiler tárepinen xoshametlenip, sıyli sawǵalar tapsırıldı.
