Ózbekstan Respublikası Prezidentiniń 2024-jıl 28-iyun kúni belsendi hám intalı jaslar menen ótkerilgen ushırasıwı videoselektor májilisiniń 31-sanlı bayanlamasında belgilep berilgen wazıypalardıń orınlanıwın támiyinlew hámde medicina xızmetkerleriniń bos waqtın mazmunlı shólkemlestiriw maqsetinde, Qaraqalpaqstan Respublikası Densawlıqtı saqlaw ministri Murat Qurbanovtıń baslaması menen ministrlikke qaraslı medicinalıq mákemeleriniń medicina xızmetkerleri arasınan “Seydullaevlar shańaraǵı” komandası dúzilgen edi.
Mine usı “Seydullaevlar shańaraǵı” komandası Ózbekstan Quwnaqlar hám ziyrekler associaciyası tárepinen shólkemlestirilgen «Quwnaqlar hám ziyrekler» tańlawınıń sherek finalında qatnasıp, yarım final jollamasın qolǵa kirgizgen edi.
Bizge jetip kelgen xabarda, Qaraqalpaqstan Respublikası Densawlıqtı saqlaw ministrliginiń “Seydullaevlar shańaraǵı” komandası sıylı ekinshi orındı iyelep, finalǵa jollama alıptı.
Bizde óz gezeginde “Seydullaevlar shańaraǵı” komandasın qutlıqlap, final basqıshtada jaqsı jańalıqlar kútip qalamız.
